ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

ចុងភៅ Salt Bae រងការរិះគន់លើអនឡាញខ្លាំង ក្រោយប៉ះពាល់ពាន World Cup

  • ចុះផ្សាយថ្ងៃទី២១ ខែធ្នូ ឆ្នាំ២០២២ ម៉ោង ១២:៤០ នាទី ដោយ Mesa
  • 1587
  Aa |   aA

កាតា៖ ចុងភៅជនជាតិតួកគី "Salt Bae" ដែលមានភាពល្បីល្បាញដោយកាយវិការរោយអំបិលរបស់លោក កំពុងរងការិះគន់តាមរយៈប្រព័ន្ធអនឡាញ និងលើបណ្តាញសង្គម បន្ទាប់ពីលេចវត្តមានលោកឈរលើវាលស្មៅ និងអបអរសាទរពាន World Cup ជាមួយក្រុមជម្រើសជាតិអាហ្សង់ទីន ក្រោយយកឈ្នះបារាំងនៅវគ្គផ្តាច់ព្រ័ត្រ។

ចុងភៅដែលមានឈ្មោះពិត Nusret Gokce ត្រូវបានគេឃើញថាបានក្រៀកស្មាកីឡាករ Lionel Messi យ៉ាងតិច ២ដង និងយកពាន World Cup ពីកីឡាករ Angel Di Maria និងធ្វើកាយវិការដូចជាការរោយអំបិលដ៏ល្បីរបស់លោកទៅលើពាន World Cup ទៀតផង ខណៈរូបភាពមួយទៀតគេឃើញលោកថើប និងលើកពានដាក់លើក្បាលផងដែរ។ 

កាយវិការរបស់ Salt Bae ត្រូវបានមនុស្សជាច្រើនចាប់អារម្មណ៍ និងរិះគន់ជាខ្លាំង ជាក់ស្តែងអតីតកីឡាករជម្រើសជាតិអង់គ្លេស និងបច្ចុប្បន្នជាពិធីករកីឡានៃទូរទស្សន៍​ BBC បានហៅបុរសខាងលើថាជា "Pest" ដែលមានន័យថាជាសត្វល្អិត ដែលមានន័យធៀបថាពិតជាគួរឱ្យរំខាន។ 

អ្នកគាំទ្រជាច្រើនបានចោទជាសំណួរថា តើបុរសជាចុងភៅខាងលើមានតួនាទីអ្វីពាក់ព័ន្ធទើបអាចចូលទៅក្នុងទីលាន និងអបអរជាមួយក្រុមជម្រើសជាតិអាហ្សង់ទីនបាន? ឬមួយមកពីលោកមានទំនាក់ទំនងជាមួយប្រធាន FIFA លោក Gianni Infantino? Comment របស់បុរសម្នាក់ដែលទទួលបានការ Like ជាង១១K បាននិយាយថា៖ "គេមិនគួរប៉ះពាល់ពានរង្វាន់ FIFA World Cup ឡើយ។ មានតែកីឡាករ និងក្រុមការងារក្លិបដែលខិតខំប្រឹងប្រែងខ្លាំងក្លាក្នុងព្រឹត្តិការណ៍នេះប៉ុណ្ណោះទើបអាចប៉ះពាល់ពាននេះបាន។ តាមពិតទៅ លោកគ្រាន់តែចង់ទាក់ទាញចំណាប់អារម្មណ៍គេប៉ុណ្ណោះ"។ 

ហេតុការណ៍នៃការកាន់ពាន World Cup នេះក៏ផ្ទុយទៅនឹងច្បាប់របស់ FIFA ផងដែរដែលបានចែងថា ពានរង្វាន់ដើម (Original Trophy) អាចត្រូវបានប៉ះ និងកាន់ដោយក្រុមមនុស្សមួយចំនួនប៉ុណ្ណោះ ដោយរួមមានអតីតអ្នកឈ្នះពាន World Cup ក៏ដូចជាប្រមុខរដ្ឋជាដើម"។ គួររំឮកថា កាលពីឆ្នាំ២០១៤ ក៏មានហេតុការណ៍ស្រដៀងគ្នានេះផងដែរ ដោយតារាចម្រៀងស្រី Rihanna បានកាន់ពានរង្វាន់នេះ ហើយក្រោយមកនាងក៏បានទម្លាយថានាងបានថើប​ពានរង្វាន់នេះ ព្រមទាំងបានថត Selfie ជាមួយពាននេះទៀតផង៕



ព័ត៌មានជាច្រើនទៀតសម្រាប់អ្នក